في غيبوبه و يسبح بالله سبحانه و تعالى

السلام عليكم و رحمه الله و بركاته
اليوم بغيت احط لكم عن قصه سمعتها في برنامج محمد العوضي على الراي " بيني و بينكم "

و كان مقابل واحد ينقاله بو انس من الي يغسلون الاموات في السعوديه و تحديدا الشرقيه

قال ان يا لهم واحد ميت و عادي جدا مو مبين عليه اذا كان صالح او طالح يقول غسلوه و كفنوه و ادفنوه و صلوا عليه و كل شي عادي جدا

و بنفس الليله شاف رؤية عن هذا الريال الي ادفنوه مع انه ماكان حتى يفكر فيه قبل لا ينام

و شاف الريال بالمنام يقوله بشر اهلي ترا انا بالجنه او شي مشابه لهالشي المهم انه تبشير
قعد من النوم و قال لزميله الي بالمغسله و سأله اذا يعرف اهل الميت الي يابوه امس و قاله لا
و لما قاله عن الرؤيا نصحه زميله انه يبشر اهله
سألو عن عنوانه بالمستشفى بس ما عرفوه و على الساعه 10 حضرت جنازه و كان فيها وجوه نفس الي كانت متواجده اليوم الي قبله
و ركب معاهم بسياره الاسعاف نفسه الي ركب معاهم باليوم الي قبله
سأله اذا هو نفس الي كان معاهم امس قال اي
و سأله عن قرابته بالمتوفي الي امس قال من قرايبي و الثاني بعد من قرايبي و كل واحد توفى لحاله مو مع بعض
و سأله عن حال المتوفي الي امس قال انه موظف و على قد حاله و انسان عادي
لكن قاله : من ناحيه العباده كيف هو ؟!
قال : انه كان فاسق و يرتكب الكثير من المحرمات
بس قبل لا يتوفى بأسبوعين تاب الى الله و صار انسان صالح
و يوم من الايام و قبل صلاة المغرب و هو بالمسيد حس بالتعب و ودوه ربعه الي بالمسيد للبيت و من البيت الى المستشفى
راحوا و سألوا عنه قالهم الدكتور انه من الناحيه الطبيه هو بغيبوبه تامه لكنه يتكلم 5 كلمات طول الوقت
سألوه : شنو يقول ؟!
قالهم دخلوا و شوفوا بأنفسكم
يقول : دخلنا و لقيناه ممدد على الفراش و الاجهزه حوله و مايتحرك فيه و لا شي غير لسانه
و هو بغيبوبه لكنه ما يقول الا سبحان الله و الحمدالله و استغفر الله و الله اكبر و لا اله الا الله
و تم على هالحال بغيبوبه و يسبح ربه لمدة اسبوع لما توفى
و بعد ما حكى له السالفه و قصة الميت و نهايته
بشره و قاله عن رؤيته للميت و انه ان شاء الله من اهل الجنه

ربي نسألك حسن الخاتمه يا رب و نعوذ بك من سوئها