وش فيه

من طرف صاحي لهم الأربعاء فبراير 13, 2008 6:26 pm

وش فيه بالك بعيد وجالس تفكر
بدري على الحزن توك في بداياتك
لا تحسب الوقت لي فاتك وتتذكر
عمر الندم ما يرد الوقت لي فاتك
لا تترك الدمع فوق الخد يتحدر
حاسب ترى كل عمري فوق وجناتك
يا نور عيني ما دام العين بك تنضر
حرام تبخل على خلك بنظراتك
ما شفت كيف القمر عقب الظلام أنور
بالضبط نفس الشعور إن شفت بسماتك
إن كان في خاطرك حاجة علي ابشر
والله لسوق العمر كله لمرضاتك
ما تدري إنك إذا اتكدرت أنا اتكدر
وأفرح لجل فرحتك وأشره لشرهاتك
عودتني عالسهر وأمسيت ما تسهر
ما غير طيفك يعوضني بسهراتك
أحلى سنين العمر بالكاد تتعطر
يا دنيتي وأبرك الساعات ساعاتك
يمر طيفك وأضمك وأرجع أستغفر
ما ردت أشوفك وأقول الله محلاتك

من طرف **رعشة هذب** الإثنين أبريل 21, 2008 4:12 pm

الصراحه كلمات في غاية الروعه يعطيك العافيه ..!!

وش فيه

وش فيه

رد: وش فيه