مزاجي

هذا طبعي وانتهاجي
حتى لو قلبي يناجي
يوم أفوتها حبيبي
لك أفوتها بمزاجي
أنا من طيبي وذوقي
لك أوضح كثر شوقي
بس لو تجرح خفوقي
عندي لك روحي علاجي
قلبي ما ينكر وجودك
ما نقض مرة عهودك
وأنت تتعدى حدودك
تفتكرني فيك لاجي
لا تتمادى في دلالك
أو علي تشوف حالك
عايش بدنيا خيالك
للأسف في برج عاجي
لا تفكرها شطارة
لما تسقيني المرارة
ترمي الناس بحجارة
وأنت في بيت زجاجي
لا تتكلم عن غرورك
أو بعمري وش هو دورك
خليني مقدر شعورك
لا تعكر لي مزاجي
_______

الله لايعكرلك مزاج إن شاء الله يسلموا على عطاء الكلمات الجميله الرنانه التى تترك في النفس بصمه لايمحى أثرها بسهولة يعطيك العافيه000