مات الحلم

حبيبي .. تسمح أقولها للمرة الأخيره..!!
خلاص .. قررت ابعد .. ابي اودع عذابي للأبد..
يمكن مايهمك .. وبقلبك تقول ابتعد شتنتظر بعد ..
لا ياأغلى من سكن فيني.. ماأنتظر منك شي..
خلاص.. أنا فقدت الأمل في كل شي..
بس قبل أبعد أبحكي لك حكاية مو وميلاد..
أبي بكره تحكيها لا صار لك أحفاد..
قبل سنه في مثل هالوقت.. أنولد حب..
بس مسكين أنولد أعمى مايدل الدرب..
عاش حياته بدون مايلمح النور..
ظل حبيس القلب وجدرانه هي السور..
كان يتمنى يطلع مثل غيره..
يتمنى يسكن بروح اللي هو أسيره..
بس مسكين مادرى أن حلمه مستحيل..
واللي تمنااه ماراح يصيـــــــر..
المسكين مادرى أنه بيموت وهو بعده صغير..
وعلى صغر سنه وقل سنين عمره كان يتمنى يطير..
يتمنى يطير للقلب اللي مخلوق عشانه..
يتمنى يروح له ويضمه حيــــــل لأحضانه..
يتمنى يسأله ليه لا لمح طيفه ضاع منه عنوانه..!!
ليه لاسمع صوته.. قلبه تزيد نبضاته..!!
المسكين .. كان يتمنى كثير وماقدر يحقق ابسط أمنياته..
على صغر عمره شاف الحزن باشكاله وألوانه..
تعب وهو ينادي حبييبه بعالي الصوت..
تعب وهو ينادى كأنه كان خايف يفوت الفوت..
واللي كان خايف منه صار..
ومات هالطفل الصغير..مات هالحب الكبير..
مات وهو ماحقق مناه.. مات .. ومات حلمه معاه..
مات ومالقى من يبكي عليه..
مات وهو شايل قلبك بين يديه..
مات وللأسف مات بين يديك..
مات ودمعته بعينه كان يبكي عليك..
واليوم .. أبيك ترتــــــــأح..
راح الحب اللي بداخلي خلاص راح..
خلاص ماعاد بداخلي حب..
دفنته أمس وجنبه دفنت القلب..
وذا تسمح أبشكرك لأنك علمتني.. أن أكبـر كذبـه نعيشها .. شي اسمه حب..
أشكرك من كل قلبي.. هاذا اذا بقى لي قلب..
أخيرا.. هاذي اشعاري بقايا أنسان حبك ..
بقايا انسان تمنى يترك الكون ويسكن بس في قلبك..
بقايا انسان.. حبك وبداك حتى على نفسه..
ابيك تاخذها وتحرقها.. بالضبط مثل ماقبلها حرقت قلبه..

مات الحلم من عنوانها مؤثره قبل ماتتقرأ سطورها صورت فأبدعت في رسم صوره حزينه لنهايه حب قبل ولادته سلمت أناملك التى خطت هذه الكلمات الجميلة المعبرة جداااً يعطيك العافيه000